اسلام آباد۔5نومبر (اے پی پی)وزیر خارجہ مخدوم شاہ محمود قریشی آکھیا جو پاکستان اتے چین سی پیک سودھے آپسی دلچسپی دے منصوبیاں کوں جلدی پورا کرݨ سانگے پر عزم ہن۔ݙوہیں ملکاں وچال برادرانہ تعلقات اتے لازوال یاری پوری دنیا سانڳے ہک مثال اے۔ اے ڳالھیں انہاں پاکستان اچ چین دے سفیر نونگ رونگ نال ڳالھ مہاڑ کریندیں ہوئیں آکھی جنہاں خمیس کوں انہاں نال ملاقات کیتی۔ملاقات اچ ݙو پاسہ تعلقات،کورونا عالمی وبائی صورتحال سودھے آپسی دلچسپی دے مسئلیاں تے ڳالھ مہاڑ کیتی ڳئی۔وزیرخارجہ چینی سفیر کوں پاکستان آوݨ اتے بطور سفیر منصب سنبھالݨ تے مبارک ݙتی اتے آکھیا جو تساں جیہے وݙے تجربے دی شخصیت دی پاکستان اچ تعیناتی اقتصادیات،انفراسٹرکچر سمیت کثیر الجہتی شعبیان اچ ݙو پاسہ تعاون ٻیا ودھسی۔چینی سفیر نونگ رونگ وزیرخارجہ دا شکریہ ادا کریندیں ہوئیں پاکستان اتے چین وچال ݙو پاسہ تعاون کوں ٻیا ودھاوݨ سانگے آپݨی کوششاں کرݨ دا یقین ݙوایا۔
پاکستان اتے چین سی پیک سودھے آپسی دلچسپی دے منصوبیاں کوں جلدی پورا کرݨ سانگے پر عزم ہن،مخدوم شاہ محمود قریشی
مضمون کا ماخذ : لوٹیریا وفاقی
متعلقہ مضامین
