اسلام آباد۔10دسمبر (اے پی پی) وفاقی وزیر اطلاعات و نشریات سینیٹر شبلی فراز آکھیے جو اڄ پوری دنیا اچ انسانی حقوق داعالمی ݙینھ منیندے ہوئیں ایندے علمبرداراں کوں وادی جنت نظیر اچ بےگناہ انساناں توں روا بدترین ظلم،اتے انھاں دے بنیادی حقوق دی سنگین ترین پامالیاں دا نہ صرف فوری نوٹس گھنݨاں چاہیدے بلکہ بھارت تے قابض بھارتی فوج کوں کچاری اچ گھن آوݨ کیتے عملی اقدامات کرݨے ہوسن ۔خمیس کوں اپݨے ٹویٹ اچ وفاقی وزیر سینیٹر شبلی فراز آکھیے جو مقبوضہ جموں کشمیر 5اگست 2019 توں پوری دنیا دی ساریں توں وݙی جیل دا منظر پیش کریندا پئے ،تریمتاں ٻال ،بزرگ اپݨے ہی گھراں اچ قید ہن۔کمیونیکیشن بلیک آؤٹ اتے سخت ترین قدغناں لاتیاں ہن ۔انسانیت دے خلاف بھارتی جرائم رکواتے اتے کشمیریاں دے بنیادی حقوق دے تحفظ توں ہی ایں ݙٰنھ دی عالمی ساکھ ودھائی ونڄ سڳدی اے ۔
مضمون کا ماخذ : خون چوسنے والے II
