اسلام آباد۔2نومبر (اے پی پی):نیشنل کمانڈ اینڈآپریشن سنٹر (این سی او سی) کورونا وائرس دے تازہ ترین اعداد وشمار جاری کرݙتن ۔سنوار کوں این سی او سی توں جاری اعداد شمار موجب گزریل24 گھنٹے دے دوران کورونا وائرس دے 1 ہزار 123 نویں کیس اتے 12 اموات رپورٹ تھیاں ۔گزریل 24گھنٹے دے دوران کووڈ۔19 دے 27 ہزار 953 ٹیسٹ کیتے ڳن جیں اچوں سندھ اچ11 ہزار 313، پنجاب اچ8 ہزار 585، خیبرپختونخوا اچ 3 ہزار 584، اسلام آباد اچ 2 ہزار 608، بلوچستان اچ 732،گلگت بلتستان اچ 402، آزاد کشمیر اچ729 ٹیسٹ شامل ہن۔ ہݨ تئیں پورے ملک اچ کووڈ۔19 توں صحتیاب تھیوݨ آلیں دی تعداد 3 لکھ 15 ہزار 16 تھی ڳی اے ۔آزاد کشمیر اتے بلوچستان اچ کووڈ۔19 دا کوئی وی مریض ایں ویلھے وینٹیلیٹرز تے کائنی جݙاں جو پورے ملک اچ کووڈ۔19 کیتے مختص 1 ہزار 884 وینٹیلیٹرز تے کووڈ۔19 دے 119 مریض ہن ۔ ملک وچ کووڈ۔19 دے ایکٹو کیسز دی تعداد 13 ہزار 242 اے۔
کورونا وائرس دے 1123کیس 12 اموات رپورٹ ، نیشنل کمانڈ اینڈآپریشن سنٹر
مضمون کا ماخذ : لوٹیریا علاقائی
متعلقہ مضامین
