اسلام آباد۔4دسمبر (اے پی پی):اسپیکر قومی اسمبلی اسد قیصر دی زیرِ صدارت خیبرپختوخوا اچ سی پیک دے تحت جاری منصوبیں تے اعلیٰ سطحی اجلاس جمعے کوں منعقد تھیا۔ اجلاس اچ وزیر اعلی خیبرپختونخوا محمود خان، وفاقی اتے صوبائی وزراء اچ پرویز خٹک، اسد عمر، علی آمین گنڈا پور تیمور سلیم جھگڑا تے متعلقہ محکمیں دے سیکرٹریز شرکت کیتی۔ اجلاس اچ خیبر پختونخواہ اچ سی پیک دے تحت جاری منصوبیں دے حوالے نال تفصیلی ڳالھ مھاڑ کیتی ڳی ۔اجلاس اچ سی پیک دے تحت جاری منصوبیں دی وختی تکمیل کیتے متعلقہ حکام کوں کم تکھا کرݨ دی ہدایت کیتی ڳی اے ۔ رشکئی اکنامک دے افتتاح تے تفصیلی ڳالھ مھاڑ کیتی ڳی ۔ اجلاس اچ رشکئی اکنامک زون دا وختی افتتاح کرݨ دی لوڑھ تے زور ݙتا ڳے ۔ ڈی آئی خان اکنامک زون تے وی تفصیلی ڳالھ مھاڑ کیتی ڳی ۔ ڈی آئی خان اکنامک زون کوں سپیشل صنعتی زون بݨاوݨ تے غور کیتا ڳے ۔ اجلاس اچ وزیر دفاع پرویز خٹک دی زیرِ صدارت اسٹرنگ کمیٹی تشکیل ݙیوݨ تے اتفاق کیتا ڳے جیں اچ علی امین گنڈا پور، اسد عمر فیصل واڈا، مراد سعید تیمور سلیم جھگڑا اے سی ایس کے پی شامل ہن۔
