اسلام آباد۔11فروری (اے پی پی):وفاقی وزیر اطلاعات و نشریات سینیٹر شبلی فراز آکھیے جو ویلھا آڳئے جو عالمی برادری بھارتی ظلم دا نوٹس گھنے اتے کشمیریاں دا حق کھاوݨ دے ناپاک عزائم توں نجات ݙیواوے ، وزیراعظم عمران خان دی جرات مندانہ قیادت اچ پاکستان بھارتی ظلم، بربریت ،مقبوضہ کشمیر دی آئینی حیثیت تبدیلی ، لمبے لاک ڈائون اتے انسانیت سوز سلوک کوں عالمی رہنماواں، بین الاقوامی اداریں ،اقوام متحدہ اتے اوآئی سی سودھے عالمی فورمزتے بے نقاب کیتے، پاکستان اپݨے کشمیری بھراواں دی حق خودارادیت جدوجہد اچ انہاں دے رلے کھڑے ، ہر لنڳھدے ݙینھ نشوم ،نہتے کشمیریاں کیتے اساݙی حمایت کوں مزید تقویت ملسی ۔او خمیس کوں دفتر خارجہ اچ ’’یوم یکجہتی کشمیر تصویری نمائش‘‘ دی تقریب توں خطاب کریندے پئے ہن ۔صدر آزاد کشمیر سردار مسعود خان ،وزیر خارجہ شاہ محمود قریشی ،غیر ملکی سفارتکاروں دی ودھ ساری تعداد تقریب اچ شریک ہئی ۔ وفاقی وزیر اطلاعات و نشریات سینیٹر شبلی فراز آکھیے جو غیر قانونی بھارتی مقبو ضہ کشمیر اچ زندگی دے ٻئے پہلوواں دے نال نال سارے ثقافتی اتے قدرتی سوہݨپ کوں اجاگر کرݨ کیتے وزارت خارجہ ولوں تصویری نمائش دا انعقاد احسن قدم اے
