اسلام آباد۔23فروری(اے پی پی)وزیراعلی پنجاب دی معاون خصوصی اطلاعات و کلچر ڈاکٹر فردوس عاشق اعوان آکھیے جو ریاست مدینہ دے ماڈل تے پاکستان کوں ٹورݨ کیتے حکومت پنجاب غریب طلبا کیتے میرٹ تے خصوصی سکالرشپ پروگرام شروع کیتے۔ نجی ٹی وی نال الیندے انہاں آکھیا جو سکالرشپ پروگرام دے تحت انٹرمیڈیٹ اتے بی ایس (آنرز) پروگرام دے 14 ہزار 891 طلبا کوں 417 ملین روپے دے وظائف ملسن اتے اے رقم آندے بجت اچ ودھا تے 1 ارب روپے کر ݙتی ویسی، حکومت ملک اچ ہکو سواں تعلیمی نصاب متعارف کراوݨ تے کم کریندی پئی اے۔ انہاں آکھیا جو انتخابات متنازعہ بݨاوݨ کیتے راج کماری حکومت دے خلاف کوڑا پراپیگنڈہ کریندی پئی اے بھل عوام انہاں دے ݙرامے ڄاݨ چکین، مریم لکھ ترلے کرے ایکوں بیرون ملک کہیں اپریشن کیتے نہ ونڄݨ ݙیسوں۔ انہاں آکھیا جو ݙسکہ اچ خون خرابے دا ماسٹر مائنݙ وی سانحہ ماڈل ٹاون دا ماسٹر مائنڈ رانا ثنا اللہ ہی اے۔
حکومت پنجاب غریب طلبا کیتے خصوصی سکالرشپ پروگرام شروع کیتے، معاون خصوصی ڈاکٹر فردوس عاشق اعوان
مضمون کا ماخذ : کنگ میکر
متعلقہ مضامین
