گوادر۔5جولائی(اے پی پی)وزیراعظم عمران خان گوادر دے دورے ویلھے مقامی عمائدین، طلبہ اتے تاجراں نال ملاقات کیتی۔ انہاں دا آکھݨ ہا جو پہلے ملک اچ ہمیشہ حکومتاں صرف الیکشن جیتݨ دی سیاست کیتی اے، نوازشریف اتے زرداری ݙوہائیں دبئی دے دورے تآں کریندے رہین بھل بلوچستان ہک واری وی نئیں آئے، میݙا مقصد الیکشن جیتݨ نئیں، ملک و قوم دی ترقی کیتے ہکو سویں مواقع ݙیوݨ ترجیح اے، بلوچستان دی ترقی کیتے ریکارڈ ترقیاتی پیکیج ݙتے، بلوچستان دے رُسیے لوکاں نال الواوݨ دا وی سچیندا پیاں، سی پیک نال بلوچستان کوں ودھ فیدہ تھیسی ایں سانڳے مقامی لوکاں دا فیدہ ݙٹھا ویسی۔ انہاں آکھیا جو پارلیمانی نظام اچ سیاسی جماعتاں صرف الیکشن جیتم دا سچیندن،ایندے کیتے او ہر او کم کریندن جیندے نال ودھ سیٹاں ملن اتے او وزیراعظم ٻݨ سڳن، نوازشریف اتے زرداری ایہو کھیݙ کھیݙیے تہوں بلوچستان جھیں علاقے پچھو تے رہ ڳین۔ وزیراعظم آکھیے جو میݙا مقصد الیکشن جیتݨ نئیں عوامی خدمت اے، اساں بلوچستان، سابق فاٹا اتے دور پرے دے محروم علاقیاں تے ودھ توجہ ݙتی اے جتھاں پہلے پیسہ نہ خرچ تھیندا ہا، جیکر پورے پاکستان تے ہکو سویں توجہ ݙتی ویندی تاں حالات بدل ویندے، صرف مخصوص علاقیاں کوں ترجیح ݙیوݨ نال ملک ترقی نئیں کریندے،جیڑھا وی پاکستان دا سچیسی او بلوچستان دا ضرور سچیسی، ڄݙاں امن آسی تاں بلوچستان وی ترقی کریسی، بلوچستان دے لوک وی سچیسن جو اے ملک ساݙا وی اے۔ وزیراعظم آکھیا جو ہݨ بلوچستان نال زیادتی نہ تھیسی، گوادر کیتے ودھ پیسہ ݙتے، اے شروعات اے جیندے بعد علاقے اچ ترقی دے نویں در کھلݨ آلے ہین، کامیاب جوان پروگرام دے تحت ماہی گیراں کیتے 10 ارب روپے رکھین، اپݨا گھر سکیم دے تحت 4 ہزار درخواستاں ملین جیندے کتیے 200 ایکڑ زمین ݙٹھی اے جتھاں ڈھائی ہزار گھر ٻݨسن، احساس سکالرشپ نال 4698 نوجواناں کوں وظائف ملسن، بلوچستان اچ تھری جی، فور جی سروس ݙیسوں، حکومت معیشت دی بہتری دے نال نال بلوچستان کیتے ہر سال فنڈز ودھیسی، بلوچستان دا احساس محرومی مکاوݨ پاکستان کیتے ضروری اے۔
ملک اچ ہمیشہ الیکشن جیتݨ دی سیاست تھئی اے، میݙا مقصد صرف عوام دی خدمت اے، ترقیاتی عمل اچ مقامی لوکاں دا مفاد سامݨے رکھیا ویسی، وزیراعظم عمران خان
مضمون کا ماخذ : کوئٹہ لاٹری
متعلقہ مضامین
