اسلام آباد۔14جولائی (اے پی پی):وزیراعظم عمران خان صوبیں تے زور ݙتے جو انضمام شدہ علاقیں دی تعمیر و ترقی سانگے کیتے ڳئے وعدے دی تکمیل کیتے آپݨا حصہ پاؤ ، اے ڳال انہاں ٻدھ کوں آپݨی زیر صدارت انضمام شدہ علاقیں دی تعمیر و ترقی اتے خصوصاً ایں عمل کیتے وفاق ولوں ݙتے ونڄݨ آلے فنڈز دے حوالے نال جائزہ اجلاس توں خطاب کریندے ہوئیں آکھی اے ۔ اجلاس اچ وزیرِ خزانہ شوکت ترین، وزیرِ منصوبہ بندی اسد عمر، وزیرِ اعلیٰ خیبرپختونخوا محمود خان، معاون خصوصی ڈاکٹر شہباز گل، معاون خصوصی ڈاکٹر وقار مسعود، وزیرِ خزانہ خیبر پختونخوا تیمور سلیم جھگڑا، سیکرٹری خزانہ تے ٻئے سینئر افسراں شرکت کیتی ۔ اجلاس اچ انضمام شدہ علاقیں اچ جاری ترقیاتی سرگرمیاں دا جائزہ ڳھدا ڳیا ۔ اجلاس کوں ݙسایا ڳئے جو انضمام شدہ علاقیں دی آبادی ملکی آبادی دا تقریباً 2.4فیصد اے جیں دے اعتبار نال این ایف سی ایوارڈ اچ انضمام شدہ علاقیں دا حصہ تقریباً 80ارب روپے بݨدے جݙاں جو وفاق ولوں این ویلھے 4فیصد دے اعتبار نال ادائیگیاں کیتیاں ویندیاں پئن ۔ اجلاس اچ ݙسایا ڳیا جو انضمام توں پہلے84ارب ادا کیتے ویندے پئے ہن جݙاں جو انضمام دے بعد 146ارب ادائیگیاں کیتیاں ویندیاں پئن ، اجلاس اچ ݙسایا ڳئے جو مالی سال 2021-22دے بجٹ اچ انضمام شدہ علاقیں دی مد اچ صوبہ خیبرپختونخواہ کیتے تقریبا130ارب روپے دا بجٹ مختص کیتا ڳئے ۔ وزیرِ اعظم عمران خان آکھیے جو انضمام شدہ علاقیں دی تعمیر و ترقی موجودہ حکومت دی اولین ترجیح اے۔
انضمام شدہ علاقوں دی تعمیر و ترقی سانگے کیتے کیتے ڳئے وعدے دی تکمیل کیتے آپݨا حصہ پاؤ ،وزیراعظم عمران خان
مضمون کا ماخذ : dupla sena acumulada
متعلقہ مضامین
