اسلام آباد۔30جولائی (اے پی پی):وفاقی وزیر اطلاعات و نشریات چوہدری فواد حسین آکھیے جو پاکستانی قیادت افغانستان اچ امن چاہندی اے ، افغانستان بارے اساݙی پالیسی واضح اے، اساں افغانستان اچ ھک گروپ دی حمایت یا اینکوں تکڑا نی کریندے پئے بلکہ ایجھا ماحول بݨاوݨ دی کوشش کریندے پیوں جیں وچ افغانستان دے سارے گروپس آپت اچ رل ٻہہ تے متفقہ حکومت بݨا سڳن ، اساں خطے اچ اقتصادی و تجارتی رابطے کوں ودھاوݨ چاہندوں ، وسطی ایشیائی ریاستاں تئیں رسائی دا انحصار مستحکم افغانستان تے ہے۔ اے ڳال انہاں پاک افغان یوتھ فورم دے اہتمام نال منعقدہ تقریب توں خطاب کریندے ہوئیں آکھی اے ۔ چوہدری فواد حسین آکھیے جو افغانستان بارے پاکستان دی پالیسی واضح اے، اے ھکو رستہ اے جیں دے ذریعے افغانستان اچ مستحکم حکومت اتے پرامن معاشرہ بݨایا ونڄ سڳدے ، انہاں آکھیے جو ایں ویلھے افغانستان اچ کوئی ایجھا گروپ ایں پوزیشن اچ کائنی جو پورے افغانستان تے حکومت کر سڳے ، جے ھک گروپ کابل تے قبضہ کریندے تاں ݙوجھا ایندے وچ رکاوٹ پیندے ایجھی صورت حال اچ امن قائم نی تھی سڳدا انہاں آکھیے جو اساں افغانستان اچ امن سانگے جیڑھا کجھ کرسڳدوں کریندے پیوں اے ھک اوکھا کم اے ۔ انہاں ݙسایا جو سپر پاورز اپݨی کارروائی کر تے چلی ویندے اے تے نتائج اساکوں ٻھوڳݨے پوندن ۔
پاکستانی قیادت افغانستان اچ امن چاہندی اے ، وسطی ایشیائی ریاستاں تئیں رسائی دا انحصار مستحکم افغانستان تے ہے ، وفاقی وزیر اطلاعات چوہدری فواد حسین
مضمون کا ماخذ : loteria de Minas Gerais
متعلقہ مضامین
