اسلام آباد ۔1دسمبر (اے پی پی):وفاقی وزیر داخلہ شیخ رشید احمد آکھیے جو پاکستان اچ سارے مذاہب دا ھکو سواں احترام کیتا ویندے ، عمران خان دی حکومت اچ اقلیتاں دے خلاف کوئی قانون سازی کائناں تھیسی ، مسیحی برادری قانون پسند شہری ہن ، 80حلقیں دا فیصلہ اوور سیز پاکستانیاں دا ووٹ کریسی ۔اے ڳال وفاقی وزیر داخلہ بدھ کوں اسلام آباد اچ منعقدہ لیڈرز کانفرنس توں خطاب کریندے ہوئیں آکھی اے ، انہاں آکھیے جو ہردار اوہو اے جیڑھا ہار من گھندے ، جیت اوہو ویندے جیں دا اے ایمان ہوندے جو جے میں لبھیساں تاں پا گھنساں ،جے میں دستک ݙیساں تاں میں کیتے در کھولیا ویسی ، انہاں آکھیے جو پنجاب اچ 40 حلقیں دا فیصلہ ٻاہرلے ملک رہݨ آلے پاکستانیاں دا ووٹ کریسی ۔وزیر داخلہ آکھیے جو پورے پاکستان اچ تقریبا 80حلقیں دا فیصلہ اوور سیز پاکستانیاں دا ووٹ کریسی جیڑھے جو پڑھے لکھیے اتے زیادہ ذمہ دار لوک ہن تے اتے زیادہ ذمہ داری توں ووٹ کاسٹ کریندن ۔شیخ رشید احمد آکھیے جو مسیحی برادری میݙے دل دے نیڑے ہے ، یقین ݙوینداں جو عمران خان دی حکومت اچ انہاں کیتے انجیل یا بائبل توں متصادم کوئی ٻل پاس نہ تھیسی ، عمران خان ھک مذہبی ریاست مدینہ دی ڳال کریندن اتے مذہبی ریاست مدینہ دا اے لازمی جزو اے جو ݙوجھے مذہب دے لوکاں دا وی اتنا ہی احترام کیتا ونڄے جتنا جو انہاں دے آپݨے مذہب داکیتا ویندے ۔
پاکستان اچ سارے مذاہب دا ھکو سواں احترام کیتا ویندے ، عمران خان دی حکومت اچ اقلیتاں دے خلاف کوئی قانون سازی کائناں تھیسی ، وفاقی وزیر داخلہ شیخ رشید احمد دا خطاب
مضمون کا ماخذ : اولمپس کا عروج
متعلقہ مضامین
