اسلام آباد۔16دسمبر(اے پی پی)صدر مملکت ڈاکٹر عارف علوی خلائی تحقیق اتے انفارمیشن ٹیکنالوجی دے شعبہ اچ ترقی دی رفتار تکھی کرݨ تے زور ݙیندے آکھیے جو ڄڳ اچ ٹیکنالوجی تیزی نال ترقی کریندی پئی اے، ترقی دے سفر اچ آڳو تے ودھݨ کیتے تیکھے فیصلے کرݨے ہوسن۔ صدر مملکت انسٹیٹیوٹ آف سپیس ٹیکنالوجی اسلام آباد اچ ایرو سپیس سائنس اتے انجینئرنگ بارے 7 ویں بین الاقوامی کانفرنس نال خطاب کیتے۔ تقریب اچ چیئرمین سپارکو میجر جنرل(ر) عامر ندیم، وائس چانسلر انسی ٹیوٹ آف سپیس ٹیکنالوجی میجرجنرل(ر) ریحان عبدالباقی، کانفرنس دے سیکرٹری ڈاکٹر نجم عباس نقوی، سائنسداناں سودھا ملکی اتے غیر ملکی مندوبین شرکت کیتی۔ صدر مملکت آکھیا جو سپارکو دے ڳانݙھے نال خلا توں ٻہوں معلومات ملدن، مواصلاتی سیاروں نال انسان کوں لاتعداد معلومات اتے ڈیٹا لٻھ ویندے، ودھ معلومات کیتے ہݨ تئیں 24 ہزار توںو دھ سیٹلائٹ لانچ تھی چکین، سکوں وی خلائی تحقیق اتے انفارمیشن ٹیکنالوجی دے شعبہ اچ ترقی دی رفتار ودھاوݨی چاہیدی اے جو ڄق دے چیلنجاں نال مقابلہ کر سڳوں۔
خلائی تحقیق اتے انفارمیشن ٹیکنالوجی دے شعبہ اچ ترقی دی رفتار ودھائی ونڄے، صدر مملکت ڈاکٹر عارف علوی دا انسی ٹیوٹ آف سپیس ٹیکنالوجی اچ کانفرنس نال خطاب
مضمون کا ماخذ : گنہر نا لوٹیریا
متعلقہ مضامین
