اسلام آباد۔19جنوری(اے پی پی)وزیر مملکت اطلاعات و نشریات فرخ حبیب آکھیے جو ن لیگ پارٹی فنڈنگ کیس توں ٻھڄݨ چاہندی اے جو انہاں دے کھاتے نہ کھلن، پی ٹی آئی حساب ݙے ݙتے، ہݨ الیکشن کمیشن ساریاں سیاسی جماعتاں دے اکاؤنٹس دا ڈیٹا ڳھنے اتے سکروٹنی کمیٹی اپݨا کم تیکھے مکمل کرے۔ اسلام آباد اچ الیکشن کمیشن دے ٻاھرو میڈیا نال الیندے انہاں آکھیا جو پہلی واری ملک اچ سیاسی جماعتاں دے سیاسی فنڈز دی تفصیلات منگیاں ڳین، ساریاں سیاسی جماعتاں دی فنڈنگ دی پڑتال تھیوݨی چاہیدی اے۔ انہاں آکھیا جو پی ٹی آئی سکروٹنی کمیٹی دی رپورٹ اچ بھارت اتے اسرائیل توں فنڈنگ دا کوئی کھرا نئیں ملیا، مریم نواز، بلاول بھٹو زرداری اتے مولانا فضل الرحمن بڑھکاں تاں مریندے رہین ہݨ الیکشن کمیشن اچ اپݨی فنڈنگ دا ولدا وی ݙیون۔ ایں توں پہلے الیکشن کمیشن سیاسی جماعتاں دی فنڈنگ کیس دی سماعت 15 فروری تئیں ملتوی کر ݙتی۔
پی ٹی آئی پارٹی فنڈنگ دا حساب ݙے ݙتے، بیاں جماعتاں وی ݙیون، کہیں کوں ٻھڄݨ نہ ݙیسوں، وزیر مملکت اطلاعات و نشریات فرخ حبیب
مضمون کا ماخذ : پاور بال
متعلقہ مضامین
