اسلام آباد۔23فروری (اے پی پی):وزیر اعظم عمران خان روسی صدر ولادی میر پیوٹن دی خصوصی دعوت تے اڄ بدھ توں روس دا 2 ݙینھ دا سرکاری دورہ کریسن ۔ وزیراعظم آفس دے میڈیا ونگ توں جاری بیان موجب وفاقی وزرا اتے اعلیٰ سطح دا وفد وی دورے اچ وزیراعظم دے رلے ہوسی ۔ وزیراعظم عمران خان اتے روس دے صدر پیوٹن وچال ملاقات ایں دورے دا اہم ترین جزو ہوسی ۔وزیراعظم عمران خان ماسکو اچ روس دی ساریں توں وݙی مسیت و اسلامک سنٹر دا دورہ کریسن ۔وزیراعظم عمران خان نال اہم روسی قیادت بشمول نائب وزیر اعظم، روسی سرمایہ کار اتے تاجر وی ملاقاتاں کریسن ۔ صدر پیوٹن نال ملاقات اچ وزیر اعظم بین الاقوامی اتے خطے دے امورتے ڳالھ مہاڑ کریسن ۔ ملاقات اچ روس پاکستان تعلقات خصوصاً توانائی دے شعبے تے ڳالھ مہاڑ تھیسی ۔ اسلاموفوبیا اتے افغانستان دی صورتحال تے وی غور تھیسی ، وزیر اعظم دا دورہ روس اتے پاکستان دے ݙو طرفہ تعلقات کوں مزید مستحکم کریسی ۔وزیراعظم عمران خان ݙو ݙھاکیں بعد روس دا دورہ کرݨ آلے پہلے پاکستانی وزیراعظم ہن
وزیر اعظم عمران خان اڄ ٻدھ توں روس دا 2 ݙینھ دا سرکاری دورہ کریسن
مضمون کا ماخذ : لاٹری ٹکٹ کی قیمت
متعلقہ مضامین
