اسلام آباد۔7اپریل(اے پی پی)وزیراعظم عمران خان آکھیے جو عوام دا جیوݨ سوکھا کرݨ ریاست دی ذمہ داری اے، 911 ایمرجنسی ہیلپ لائن ٻݨݨ نال غریباں کوں بااختیار ٻݨاوݨ اچ مدد ملسی اتے شکایت کنندہ کوں فوری ریلیف ملسی، حکومتی سطح تے جرائم دی شرح دا پتا لڳسی، ایکوں ݙو سال اچ مربوط کیتا ویسی، اے ملک دی بدقسمتی اے جو اتھاں اشرافیہ کیتے ہک اتے باقیاں کیتے انڄھ پاکستان رہے جتھاں صحت، تعلیم سودھا ٻیاں سہولتاں صرف اشرافیہ کوں ملین، میݙا سیاست اچ نظریہ پاکستان کوں فلاحی ٻݨاوݨ ہا۔ اے ڳالھ انہاں 911 ایمرجنسی ہیلپ لائن دے افتتاح ویلھے آکھی۔ انہاں آکھیا جو 911 نال شہریاں دا ریاست تے اعتماد ودھسی اتے مسلے فوری حل تھیسن، اے اسلامی فلاحی ریاست دو وݙا قدم اے جیندی کامیابی کیتے صوبیاں دا تعاون ضروری اے، 18 ویں ترمیم دے بعد وفاق اتے صوبے انڄھو انڄھ ݙسدن بھل ایں منصوبہ نال اے نال کھڑے ݙسسن۔ وزیراعظم آکھیا جو پورے ملک اچ صحت کارڈ ہک وݙی نعمت اے، اساں 75 سال بعد یکساں نصاب تعلیم کیتے اقدامات کیتن، اے کم 70 سال پہلے شروع تھیوݨا چاہیدا ہا بھل ایکوں تیکھے اڳو تے ڳھن ویسوں، احساس پروگرام، کامیاب جوان پروگرام اتے اپنا گھر پروگرام شروع کیتے اتے کاروبار کیتے قرض ݙتے، کوشش اے جو قانونی امداد دا پروگرام شروع کروں۔ وزیراعظم آکھیا جو پاکستان اچ ڄے تئیں ایلیٹ سسٹم نہ ترڑیسوں ہر سہولت تے انہاں دا قبضہ رہسی۔
عوام دا جیوݨ سوکھا کرݨ ریاست دی ذمہ داری اے، 911 ایمرجنسی ہیلپ لائن ٻݨݨ نال غریباں کوں بااختیار ٻݨاوݨ اچ مدد ملسی، وزیراعظم عمران خان دا 911 ایمرجنسی ہیلپ لائن دے افتتاح ویلھے خطاب
مضمون کا ماخذ : estatisticas lotomania
متعلقہ مضامین
