کورونا وائرس دی عالمگیر وبا دے تدارک کیتے عالمی مالیاتی اداریں اتے جی۔20 ملکاں کوں ترقی پذیر ملکاں دی مدد کرݨی چاہیدی اے ، وزیراعظم عمران خان دا شنگھائی تعاون تنظیم دی سربراہان حکومت دی کونسل دے اجلاس نال ویڈیو لنک خطاب

اسلام آباد۔10نومبر (اے پی پی):وزیراعظم عمران خان شنگھائی تعاون تنظیم (ایس سی او) دی افادیت اتے کامیابی کیتے 6 نکاتی پروگرام دی تجاویز پیش کریندے ہوئیں آکھیے جو کورونا وائرس دی صورتحال نال نبݨݨ کیتے سانجھیاں کوششاں دی لوڑھ اے ، عالمگیر وبا دے تدارک کیتے عالمی مالیاتی اداریں تے جی۔20 ملکاں کوں ترقی پذیر ملکاں دی مدد کرݨی چاہیدی اے ، پوری دنیا دی معیشت سست روی دا شکار ھے، آزادی اظہار رائے دی آڑ اچ کہیں وی مذہب دی توہین ناقابل برداشت ھے، ماحولیاتی آلودگی مکاوݨ کیتے پاکستان اپݨاں کردار ادا کریندا پئے ، افغانستان اچ مستقل قیام امن کیتے سارے فریقین کوں اپݨاں کردار ادا کرݨاں ہوسی ، اقوام متحدہ کوں عالمی حل طلب مسئلیں دے حل کیتے سنجیدہ کوششاں کرݨیاں ہوسن ۔اے ڳالھ انھاں منگل کوں شنگھائی تعاون تنظیم دی سربراہان حکومت دی کونسل دے اجلاس نال ویڈیو لنک دے ذریعے خطاب کریندے ہوئیں آکھی اے ۔وزیراعظم عمران خان آکھیے جو دنیا وچ کورونا وائرس دی وبا توں پنج کروڑ توں ودھ لوک متاثر تھی چکن، کووڈ۔19 دنیا اچ معیشت اتے روزگار کوں تباہ کیتے تے ایندے تباہ کن اثرات نال سارے شعبے خاص طور تے صحت عامہ اتے معیشت ودھ متاثر تھن ۔انہاں آکھیے جو کورونا وائرس دی وبا نال نبݨݨ کیتے سانجھیاں کوششاں دی لوڑھ اے ،گزریل ݙو دہائیاں اچ ایس سی او کئی کامیابیاں حاصل کیتیاں۔ انہاں آکھیے جو پاکستان اتے چین کورونا وائرس دی ویکسین دی تیاری دے عمل اچ سانجھیاں کوششاں کریندے پن ، بین الاقوامی برادری کوں مشترکہ کوششاں نال ایں مرض کوں مکاوݨ کیتے کم کرݨاں ہوسی ، عالی وبا دے تدارک کیتے عالمی مالیاتی اداریں تے جی۔20 ملکاں کوں ترقی پذیر ملکاں دی مدد کرݨی چاہیدی اے۔ انہاں آکھیے جو اقوام متحدہ کوں عالمی حل طلب مسئلیں حل کیتے سنجیدہ کوششاں کرݨیاں ہوسن ،خطہ اچ امن دی صورتحال کوں بہتر بݨاوݨ کیتے عالمی طاقتاں کوں کردار ادا کرݨاں ہوسی ۔انہاں آکھیے جو افغانستان اچ مستقل قیام امن کیتے سارے فریقین کوں اپݨاں کردار ادا کرݨاں ہوسی ایں ویلھے دنیا کوں بین المذاہب ہم آہنگی دی ودھ ساری لوڑھ اے ۔آزادی اظہار رائے دی آڑ اچ کہیں وی مذہب دی توہین ناقابل برداشت ھے، ماحولیاتی آلودگی مکاوݨ کیتے پاکستان آپ دا کردار ادا کریندا پئے ۔ انہاں آکھیے جو پاکستان دہشت گردی دے خلاف اقدامات کیتے پرعزم اے، معاشرہ دے غریب لوکاں کوں ریلیف ݙیوݨ تے توجہ ݙتی ویندی پئی اے ،اساں کورونا وائرس دی وبا دی صورتحال نال نمٹݨ کیتے سمارٹ ڈائون اتے غریب ترین طبقات دی معاونت کیتے اقدامات کیتن ۔ وزیراعظم آکھیے جو پاکستان کوں ایس سی او دی یوتھ کونسل دا رکن منتخب تھیوݨ تے اساکوں خوشی اے کیوں جو پاکستان دی اکثریتی آبادی نینگراں تے مشتمل ھے ، کورونا وائرس دے اثرات نال نبڑݨ کیتے ایس سی او نالج بینک دا قیام اتے کورونا وائرس دی وبادے معیشت تے اثرات کوں روکݨ ،مختصر، درمیانی اتے طویل مدتی حکمت عملی دی تیاری، کورونا وائرس توں بچݨ کیتے سستی اتے ہر ہک تئیں قابل رسائی ویکسین دی تیاری کیتے مشترکہ موقف اختیار کرݨ، غربت، بیماری، افلاس مکاوݨ اتے پائیدار ترقی دے اہداف دے نال نال رقماں دی ٻاہرلے ملکاں ، آف شور اکائونٹس اچ غیر قانونی منتقلی کوں روکݨ تے موسمیاتی تبدیلی دے خطرے نال نمٹݨ کیتے بھرپور اقدامات کیتے ونڄݨے چاہیدن ۔ ایندے علاوہ کثیر الجہتی اتے ایس سی او یوتھ سٹریٹجی کوں وی اپناوݨ دی لوڑھ اے جیں دے تحت ٹیکنالوجی دی شراکت، سکالرشپ اتے ایکسچینج پروگراماں کوں ودھارا ݙتا ونڄے۔